Կիրակի, Մարտ 24, 2019
Գլխավոր ՆԱԽԱՐԱՐ

ՆԱԽԱՐԱՐ

Հարգելի՛ քաղաքացի,

Սոցիալական անարդարության և խտրականության դեմ մեր ըմբոստացումը նոր արժեքներ ներմուծեց կյանքի բոլոր ոլորտներում: Հասարակության յուրաքանչյուր անդամի բարօրությունը և հասարակական համերաշխությունը այդ արժեքներից են։

Այսօր մենք պետք է հիշենք, որ աղքատության վերացումը ոչ թե մեր բարի կամեցողությունն է, այլ մեր ծառայությունը: Պետք է հիշենք, որ երեխաները ոչ միայն մեր ապագան են, այլ նաև ներկան: Երիտասարդների փորձը կարևոր է, և նրանք ամեն պահ Հայաստանն ավելի լավն են դարձնում: Պետք է գանք այն համոզմունքին, որ տարեց մարդիկ չպետք է հարկադրված լինեն ապրելու հաստատություններում, այլ պետք է անկախ կյանքի հնարավորություններ ունենան: Համայնքահենք ծառայությունների հարցը պետք է լինի օրակարգում:

Ընտանիքների զարգացումը ապահովելու համար պետք է սոցիալական, իրավական և տնտեսական պաշտպանվածության երաշխիքներ ամրագրվեն: Մեր գործողությունները պետք է նպաստեն, որ յուրաքանչյուր ոք իր սիրած աշխատանքով զբաղվելու և արժանապատիվ վաստակելու հնարավորություն ունենա, աշխատանքային պայմանները արդար և անվտանգ լինեն:

Քաղաքացին չպետք է ապրի վախով, որ մի օր կարող է հայտնվել կյանքի դժվարին իրավիճակներում: Քաղաքացին ցանկացած պահի պետք է զգա բոլորիս աջակցությունը և վստահ լինի, որ սոցիալական բարեկեցության ծառայությունները հոգածությամբ կսատարեն իրեն:

Մարդկային արժանապատվությունը պետք է դառնա ՀՀ աշխատանքի և սոցիալական հարցերի նախարարության գործունեության առանցքը:
Զգալի նվաճումների ժամանակն է:

Զարուհի Բաթոյան
ՀՀ աշխատանքի և սոցիալական հարցերի նախարար

callback_small.png
requestacallback_caps.png
contact_us_caps.png